မြိတ်မြို့ + ကြယ်လိပ်ကျွန်း နှင့် နတ်သမီးရေတွင်းကျွန်း

ခရီးစဉ်အကျဉ်း


ပထမနေ့ - မြိတ်မြို့လေဆိပ်မှကြိုဆိုပြီး မြို့တွင်းခရီးစဉ်လည်ပတ်ခြင်း။


ဒုတိယနေ့ - ကြယ်လိပ်ကျွန်း နှင့် နတ်သမီးရေတွင်းကျွန်း တို့သို့ သွားရောက်လည်ပတ်ခြင်း။


တတိယနေ့ - ဟိုတယ်တွင် Check Out ပြုလုပ်ပြီး လေဆိပ်မှ ပြန်လည်ထွက်ခွာခြင်း။

ပထမနေ့ – မြိတ်မြို့လေဆိပ်မှကြိုဆိုပြီး မြို့တွင်းခရီးစဉ်လည်ပတ်ခြင်း။


ရန်ကုန်မြို့မှ မြိတ်မြို့လေဆိပ်သို့ ဆိုက်ရောက်လာသော မြိတ်ကျွန်းစုခရီးသွား ဧည့်သည်တော်များအား Marine Dolphin Travel မှ ဒေသခံခရီးစဉ်ဧည့်လမ်းညွှန်မှ နွေးထွေးပျူငှာစွာ လာရောက်ကြိုဆိုပါမည်။ ထို့နောက် မြိတ်မြို့လေဆိပ်မှတစ်ဆင့် ဟိုတယ်တွင် Check-In ၀င်ရောက်ပြီး မြိတ်မြို့တွင်းခရီးစဉ်ကို စတင်ပါမည်။


မြိတ်မြို့တွင်းခရီးစဉ်အတွင်း ငါးဖမ်းစက်လှေကြီးမျာကို ဖန်တီးပြုလုပ်သည့် သင်္ဘောကျင်း ခေါ် လှေထောင့်၊ သဘာဝ အစားအသောက်များကို ဖန်တီးရာဖြစ်သော ကဏန်းအရေပျော့မွေးမြူရေးကန်၊ မြိတ်မြို့၏ တန်ခိုးဘုရားတစ်ဆူဖြစ်သော  မဟာသိဒ္ဓိဇယဘုရားကြီး၊ သီဟိုဠ်စေ့စက်ရုံ၊ ငါးခြောက်လုပ်ငန်း၊ ပုလဲအရောင်းဆိုင်၊ ရှေးဟောင်းကိုလိုနီအဆောက်အဦး၊ ကျောက်ပုဇွန်သိုလှောင်ကန်၊ သဘာဝငှက်သိုက်အိမ်ကြီး နှင့် ကမ်းနားလမ်းအလှအပ တို့ကို ကြည့်ရှုခံစားပြီး ခရီးစဉ်အတွင်း နေ့လည်စာ ကို မြိတ်မြို့တွင်း စားသောက်ဆိုင် တွင် သုံးဆောင်ပါမည်။


ညနေအချိန်တွင် မြိတ်မြို့၏ သမိုင်းဝင် ဘုရားတစ်ဆူဖြစ်သော သိမ်တော်ကြီးဘုရား ကို ဖူးမြော်ကြပြီးနောက် စေတီရင်ပြင် ပေါ်မှ နေ၀င်ဆည်းဆာ အလှအပ ကို ကြည့်ရှုခံစားနိုင်သေးသည်။ ထို့နောက် မြိတ်မြို့တွင်း စားသောက်ဆိုင်တွင် ညနေစာ သုံးဆောင်ပြီးနောက် ဟိုတယ်တွင် အိပ်စက်အနားယူကြပါမည်။


အစားအသောက် – နေ့လည်စာ နှင့် ညစာ။


ညအိပ် – မြိတ်မြို့တွင်း ဟိုတယ်။


ဒုတိယနေ့ – ကြယ်လိပ်ကျွန်း နှင့် နတ်သမီးရေတွင်းကျွန်း တို့သို့ သွားရောက်လည်ပတ်ခြင်း။


လူကြီးမင်းတို့၏ ဟိုတယ်တွင် မနက်စာ သုံးဆောင်ပြီးချိန်၌ ဒေသခံခရီးစဉ်ဧည့်လမ်းညွှန်မှ မနက် (၀၇း၃၀) မှ (၀၇း၅၀) နာရီ ၀န်းကျင်ခန့်တွင် ဟိုတယ်၌ လာရောက်ကြိုဆိုပါမည်။ မြိတ်မြို့ ဆိပ်ငယ်တံတားသို့ ကားဖြင့် ပို့ဆောင်ပေးပြီး မနက် (၀၈း၀၀) နာရီ အချိန်တွင် Speed Boat ဖြင့် မြိတ်ကျွန်းစု ပင်လယ်ကျွန်းခရီးစဉ်ကို စတင်ပါမည်။ Speed Boat စီးနှင်နေစဉ် အချိန်အတွင်း ပင်လယ်ပြင်၏ သန့်ရှင်းလတ်ဆတ်သော ပင်လယ်လေကိုရှုရှိုက်ရင်း ပင်လယ်ပျော်ကျေးငှက်များကို ကြည့်ရှုနိုင် ပါသေးသည်။


ပင်လယ်ကျွန်းခရီးစဉ်အတွင်း Snorkeling လုပ်ရင်း လှပသော သန္တာကျောက်တန်းများ နှင့် ရောင်စုံငါးအလှကမ္ဘာကို ကြည့်ရှုခံစားနိုင်သော ဓနသိဒ္ဓိကျွန်း၊ ကမ်းခြေတစ်လျှောက်တွင် ထူထပ်သော သဲသောင်ပြင်နှင့်အတူ အလှအပများကို ခံစားရင်း ရေအောက်အလှအပများကို ကြည့်ရှုခံစားနိုင်သော ကြယ်လ်ိပ်ကျွန်း နှင့် နီမိုငါးများ၏ ချစ်စရာအိမ်လေးများကို Snorkeling နိုင်သော နီမိုအော် နှင့် ရောင်စုံငါးအလှကမ္ဘာကို ကြည့်ရှုခံစားနိုင်သော နတ်သမီးရေတွင်းကျွန်း တို့သို့ သွားရောက်လည်ပတ်ပြီး ခရီးစဉ်အတွင်း နေ့လည်စာ ကို ကြယ်လိပ်ကျွန်း တွင် သုံးဆောင်ကြပါမည်။


ထိုမှတစ်ဆင့် မြိတ်မြို့၏ အရှေ့ဖက်ကမ်းရှိ ရွှေသာလျောင်းဘုရားကြီး ရှိရာ ပထက်ကျွန်း သို့ သွားရောက်လည်ပတ်ပြီး မြိတ်မြို့သို့ ညနေ (၀၅း၀၀) နာရီ ၀န်းကျင်ခန့်တွင် ပြန်လည်ရောက်ရှိနိုင်ပါသည်။ ထို့နောက် ခရီးစဉ်ဧည့်လမ်းညွှန်မှ ဧည့်သည်တော်များကို ဟိုတယ်သို့ ကားဖြင့် ပြန်လည်ပို့ဆောင်ပေးပါမည်။ မြိတ်မြို့တွင်းစားသောက်ဆိုင် တွင် ညနေစာ သုံးဆောင်ပြီး ဟိုတယ်တွင် ပြန်လည်အိပ်စက်အနားယူကြပါမည်။


အစားအသောက် – မနက်စာ၊ နေ့လည်စာ နှင့် ညစာ။


ညအိပ် – မြိတ်မြို့တွင်း ဟိုတယ်။


တတိယနေ့ – ဟိုတယ်တွင် Check Out ပြုလုပ်ပြီး လေဆိပ်မှ ပြန်လည်ထွက်ခွာခြင်း။


လူကြီးမင်းတို့၏ ဟိုတယ်တွင် မနက်စာ သုံးဆောင်ပြီးနောက် ညအိပ်အခန်းများအတွက် Check-Out ပြုလုပ်ပါမည်။ ထို့နောက် လေဆိပ်သို့ ကားဖြင့် ပို့ဆောင်ပေးပြီး ရန်ကုန်သို့ ပြန်လည်ထွက်ခွာပါမည်။


အစားသောက် – မနက်စာ။


ညအိပ် – ပြင်ပ၀န်ဆောင်မှု။


ပါဝင်သော ၀န်ဆောင်မှုများ – မြို့တွင်းခရီးစဉ်အတွက် Air-Con သီးသန့်ကား၊ ကားအကြိုအပို့ (ဟိုတယ် နှင့် လေဆိပ်)၊ (ဟိုတယ် နှင့် ဆိပ်ကမ်း)၊ (ဟိုတယ် နှင့် စားသောက်ဆိုင်)၊ နှစ်ယောက်တစ်ခန်းနှုန်းဖြင့် ဟိုတယ်တွင် အိပ်စက်ခွင့်၊ Speed Boat ဒေသခံဧည့်လမ်းညွှန်များ၊ အစားအသောက် (မနက်စာ၊ နေ့လည်စာ၊ ညစာ)၊ သတ်သတ်လွတ်သမားများအတွက် သီးသန့်အခွင့်အရေး၊ သောက်ရေသန်၊ အချိုရည် နှင့် အအေးဘူးများ၊ ရာသီပေါ်အသီးအနှံ၊ ကော်ဖီ နှင့် မုန့်ပဲသရေစာ၊ အသက်ကယ်ဝတ်စုံ နှင့် ရေငုပ်ကိရိယာ၊ ဖြတ်သန်းသွားလာခွင့် နှင့် အရေးပေါ်ဆေးသေတ္တာ၊ လူတစ်ဦးချင်းစီအတွက် ခရီးသွားအာမခံ။


ပြင်ပ ၀န်ဆောင်မှုများ – လေယာဉ် သို့မဟုတ် ကား လက်မှတ် အသွားအပြန်၊ GoPro Camera, GoPro Dome & Drone Quad copter ကိုယ်ပိုင်ဆေးဝါး ကုသစရိတ်များ၊ ဒေသထွက် လက်ဆောင်များဝယ်ယူမှုများ၊ မိမိသဘောအလျောက် ခရီးစဉ်ပယ်ဖျက်စရိတ်များ၊ေ ဖ်ာပြမထားသော သွားလာလှုပ်ရှားမှုများ၊ ခရီးစဉ်ဝန်ဆောင်မှု ပြင်ဆင်စရိတ်များ


ပင်လယ်ကျွန်းခရီးစဉ်အတွင်း ယူဆောင်သင့်သည့် ပစ္စည်းများ – နေရောင်ခြည်ကာ ခရင်မ်၊ ဦးထုပ်၊ နေကာမျက်မှန်၊ ကမ်းခြေ၊ ကျောက်တုံးပေါ်နှင့် တောထဲသို့သွားလာရာတွင် အဆင်ပြေစေနိုင်မည့် ဖိနပ်များ၊ ရေကူးဝတ်စုံ၊ အ၀တ်အစားအပိုများ၊ မျက်နှာ သုတ်ပ၀ါ၊ ကင်မရာ စသည့်တို့နှင့် လူကြီးမင်းတို့အတွက် လိုအပ်သည်များ။


မှတ်ချက် – ခရီးစဉ်သည် လူအများနှင့် စုပေါင်း၍ သွားရသောခရီးစဉ်ဖြစ်ပြီး ပင်လယ်ရေအတက်အကျ၊ မိုးလေ၀သအခြေအနေ နှင့် ထင်မှတ်မထားသော စက်ယန္တရားအခြေအနေတို့အပေါ် မူတည်၍ အပြောင်းအလဲရှိနိုင်ပါသည်။


ပင်လယ်ကျွန်းခရီးသည် အသက် ၁ နှစ်အောက် ကလေးများ၊ အသက် ၆၀ အထက် သက်ကြီးရွယ်အိုများ၊ ကျန်းမာရေးချို့တဲ့သူများ၊ ခွဲစိတ်ခန်းဝင်ထားသူများ နှင့် ကိုယ်ဝန်ဆောင် အမျိုးသမီးများအတွက် မသင့်တော်သော ခရီးစဉ်ဖြစ်ကြောင်း ကြိုတင်အသိပေးအပ်ပါသည်။


Marine Dolphin Travel & Tours, Myeik

No.461, Kant Kaw Str, Kan Khaung Qtr, Myeik Township, Tanintharyi Region, Myanmar

(+95) 0 9 45 999 000 7 (Viber), (+95) 0 9 4 55 2 666 48 (Viber), (+95) 0 9 7777 999 09 (Office)

www.marinedolphinmyanmar.com

Myeik Tour, Marine Dolphin Travel and Tours

Translate »